நற்பேறு பெற்றார் அவரே

பகுதி 1 (1:1-2)

தீயோர் சொல்லில் நடவார்
பிழையார் வழியில் நில்லார்
இகழ்வார் குழுவில் அமரார்
யாவேயின் தோராவில் மகிழ்வார்
இரவும் பகலும் அதையே ஓதுவார்
இன்பம் அதிலே காண்பார்

பகுதி 2 (1:3)

நீரோடை ஓரத்து மரமாய் நிற்பார்
பருவம் தோறும் கனிகள் தருவார்
பசுமை என்றும் குன்றா திருப்பார்
செய்வன யாவும் வெற்றி பெறுவார்

பகுதி 3 (1:4-5)

தீயோர் அவ்வாறு அல்லர்
காற்றில் பறக்கும் பதராய் ஆவார்
தீர்ப்பு நாளில் நிலையார்
நேர்மையர் மன்றில் இடம்பெறார்

பகுதி 4 (1:6)

யாவேயோ நேர்மையர் வழியை அறிவார்
ஆனால் தீயோர் வழியோ அழிந்தே போகும்