என் உயிரே, யாஹ்வேயை வாழ்த்து

103:3–5

உன் கோணல்கள் யாவையும் மன்னிப்பவர்
உன் நோய்கள் யாவையும் ஆற்றுபவர்
உன் வாழ்வைக் குழியிலிருந்து மீட்பவர்
தவறா அன்பும் கனிவும் முடிசூட்டுபவர்
உன் அணியை நன்மையால் நிறைவாக்குபவர்
உன் இளமையோ கழுகைப் போல் புதிதாகும்

103:6–8

யாஹ்வே நேர்மைச் செயல்களையும்
ஒடுக்கப்பட்டோர் யாவர்க்கும் தீர்ப்புகளையும் செய்கிறார்
மோஷேக்குத் தம் வழிகளை அறிவித்தார்
இஸ்ர'ஏல் மைந்தர்க்குத் தாம் நிகழ்த்தியவற்றை அறிவித்தார்
யாஹ்வே கனிவுள்ளவர், அவர் அருளுள்ளவர்
நெடும் பொறுமையானவர், தவறா அன்பு மிகுந்தவர்

103:9–11

அவர் இறுதிவரை கடிந்துகொள்ளார்
என்றென்றும் சினத்தை வைத்திரார்
நம் பிழைகளுக்கேற்ப நமக்குச் செய்யார்
நம் கோணல்களுக்கேற்ப நமக்கு வழங்கார்
நிலத்திற்கு மேல் வானங்கள் உயர்ந்திருப்பது போல்
தமக்கு அஞ்சுவோர் மேல் அவர் தவறா அன்பு ஓங்கும்

103:12–14

கிழக்கிருந்து மேற்கு தொலைவாய் இருப்பது போல்
நம் மீறல்களை நம்மைவிட்டுத் தொலைவாக்கினார்
தந்தை மைந்தர்மேல் கனிவது போல்
யாஹ்வே தமக்கு அஞ்சுவோர்மேல் கனிகிறார்
நம் வனைவை அவர் அறிவார்
நாம் புழுதி என்பதை நினைவில் கொள்வார்