என் உயிரே, யாஹ்வேயை வாழ்த்து

103:15–16

மாந்தனின் நாட்கள் புல்லைப் போல்
அவன் மலர்வது வயலின் மலரைப் போல்
காற்று அதன்மேல் கடந்ததும் அது இராது
அதன் இடமும் இனி அதை இனம் காணாது

103:17–18

அவர் உடன்படிக்கையைக் காத்து, கட்டளைகளைச் செய்ய நினைந்து
அவருக்கு அஞ்சுவோர் மேல், யாஹ்வேயின் தவறா அன்பு
என்றென்றும் முதல் என்றென்றும் வரை இருக்கும்
அவர் நேர்மை மைந்தரின் மைந்தர்க்கும் இருக்கும்

103:19–20

யாஹ்வே வானங்களில் தம் இருக்கையை நிறுவினார்
அவர் கோன்மை யாவற்றையும் ஆளும்
வலிமையில் ஓங்கிய அவர் ஏவலரே, சொல்லைச் செய்வோரே
அவர் சொல்லின் குரலைக் கேட்போரே, யாஹ்வேயை வாழ்த்துங்கள்

103:21–22

அவர் படைகள் யாவுமே, அவர் தொண்டர்களே
அவர் விருப்பத்தைச் செய்வோரே, யாஹ்வேயை வாழ்த்துங்கள்
அவர் படைப்புகள் யாவுமே
அவர் ஆட்சியின் இடங்கள் எங்கும், யாஹ்வேயை வாழ்த்துங்கள்